Caste data-ah tihsual vaibelchhe 8 hmuh a ni

Socio Economic and Caste Census 2014 tlangzarh a nih loh avangin sawiselna tam tak a awm a, mahse sorkar laipui chuan data-ah hian tihsual vaibelchhe 8.19 vel hmuhchhuah a ni, a ti.

Home Ministry thuchhuah chuan caste data bikah tihsual 8,19,58,314 a awm thu leh, state leh union territory zawng zawng hnenah an tihsualte siamṭha vek turin an hriattir thu a sawi. State-te hian tihsual zinga 6,73,81,119 chu an siamṭha a, mahse heti chung hian 1,45,77,195 siamṭhat tur a la awm fo a ni, a ti.

Census data tisual nasa ber chu Maharashtra state niin, tihsual nuai 69.1 a nei. Madhya Pradesh-in tihsual nuai 13.9, West Bengal-in nuai 11.6, Rajasthan-in nuai 7.2, Uttar Pradesh-in nuai 5.4, Karnataka-in nuai 2.9, Bihar-in nuai 1.7 leh Tamil Nadu-in tihsual nuai 1.4 a nei a ni.

July 3 khan sorkar laipui chuan Socio Economic and Caste Census (SECC)-a case-based data tihchhuah tum chu a lo dang a, Union Rural Development Minister Chaudhary Birender Singh chuan Bihar inthlan dawn vanga SECC 2014 report tikhawtlai nia an puhna chu thu dik lo a nih thu a sawi.

Hetihlai hian eptu lam chuan SC, ST, Backward Class, Minority leh Upper Class data a tihchhuah duh loh avangin sorkar laipui chu ram mipuite thudik hriattir duh loah an puh thung.