Delhi sorkarin PM sawiselna poster la thla dawn

Delhi-a rorellai, Aam Aadmi Party (AAP) in khawpui chhunga Prime Minister sawiselna thu ziak an tarte chu President hlui thi ta, APJ Abdul Kalam-a zahna lantirna atan Delhi sorkar chuan lak thlak a tum.

Delhi sorkar chuan advertisement leh poster hmanga Prime Minister Narendra Modi an sawiselna leh tihelna thu te, Delhi sorkar laka sorkar laipui inrawlh lo tura an ngenna thu te, sorkar laipuiin Delhi Chief Minister Arvind Kejriwal-a hnathawk thei loa siam a tum nia an puhna thute khawpui chhungah tarin a thehdarh a ni. TV leh radio-ahte pawh PM Modi-a kaihhruai sawiselna thu te hi an tichhuak bawk.

Delhi Lieutenant Governor Najeeb Jung chuan CM Kejiwal-a'n Delhi Commission for Women hotu atana Swati Maliwal-i a ruatna chu Thawhṭanni khan a pawmpui ta. A hmain LG Jung hian Maliwal-i DCW hotu atana ruatna hi a pawm loh thu sawiin, a office pawh a khartir a ni.