Badh Chala campaign-ah Bihar CM thlalak hman khap
Bihar sorkarin Badh Chala Bihar (Bihar moves forward) campaign a kalpui mekah, Chief Minister Nitish Kumar leh a minister-te thlalak hmang lo turin Patna High Court chuan a hriattir.
Right to Information (RTI) activist Shiv Prakash Rai chuan Badh Chala campaign kalpui dan chungchangah High Court-ah hian petition a thehlut a, rorellai pary JD(U) chu invawrh larna atana mipuite sum dik lo taka hmangah a puh.
Petition thehluh hi Chief Justice L Narasimha Reddy leh Justice Anjana Mishra awmna bench chuan a ngaihtuah hnuin, CM leh a minister-te thlalak chuanna chu hmang zawm tawh lo turin a ti a ni.
Hetihlai hian CM Kumar chuan Badh Chala campaign hmang hian sorkar chuan thingtlang khaw 18,000 a tlawh chhuak tawh niin a sawi. He campaign kaltlang hian mipuite chuan an state hmasawn dana an ngaihdante an zawt a ni.
Rai chuan campaign-na atana sorkarin sum a senralte chu rul leh vek tura a phut tur thu a sawi. "State sorkar chuan rorellai party leh CM Nitish Kumar-te tihlarna turin Badh Chala Bihar programme hi a siam a, public fund tam tak an hmang peng a ni," a ti.