AP-ah ruahsur nasa vangin mi 8 thi

Andhra Pradesh-ah ni hnih chhung nasa taka ruah a sur avanga chhiatna thlengah mi pariat an thi. MeT office chuan ruah hi a la sur chhunzawm zel dawn niin a sawi.

Ruahsur vanga chhiatna thlenna hmun hi Guntur district a ni a, district chhunga mi 5,000 vel chu an chenna in chhuahsanin relief camp-ah an khawsa mek a ni. State khawpui Hyderabad-ah pawh ruah sur nasa avangin sor≠kar chuan zirnain hrang hrangah ni hnih chhung chawlh a puang bawk.

Chief Minister K Chandraskher Rao chuan ruahsur nasa avanga tui≠lian tuarte ṭanpui leh chhawmdawl hna thawk tur hian National Disaster Response Force (NDRF) leh Rapid Action Force koh luh an ni tawh tih a sawi a, a ṭul dan a zirin sipai pawh koh luh belh an ni ang, a ti.

Secunderabad leh Guntur inkar rel kawng chu a chhiat avangin darkar 30 chuang rel tlan pawh a khaihlak tawh. Chhanchhuah hna thawk tur hian helicopter hman a ni bawk. Thlai chinna ram acre sang chuang zet chu tuilian hian a chim tawh a ni.