Rammchhung Larkhawm

School kal lo naupang vbch 8.4 awm

Census 2011 data tihchhuahah India ramchhunga naupang school kal rual, school kal lo vaibelchhe 8.4 an awm tih tarlan a ni. Naupang nuai 75 vel chu eizawng tura hna thawh tir an ni bawk.

Zirlai ni chunga hnathawk eng emaw zat awmin, an zinga 57% chu mipa an ni a, leileh leh in lam hna thawka chhawrte an ni tlangpui. Hnathawka chhawr zingah hian kum ruk leka naupangte pawh an awm a ni. School kal lo, naupang vaibelchhe 8.4 awm hi Right to Education Act-in a huam, age group-a awm zinga 20% dawn an tling pha a ni.

BJP National Council meeting tan

Ni thum awh tur, BJP National Council meeting chu nimin khan Kazhikode, Kerala-ah ṭan a ni a, ramchhung hmun hrang hranga BJP hruiatute an tel.

Meeting hi BJP president Amit Shah-a'n a kaihruai a, nakkuma state assembly inthlan neihna tur hrang hranga party hmalak dan turte an ngaihtuah ang. Prime Minister Narendra Modi pawhin vawiin hian Kazhikode hi a pan dawn a, vantlang inkhawmah thu sawiin, naktukah National Council-ah hian thu a sawi dawn a ni. Tun hnaia Jammu and Kashmir-a Uri army camp beih a nih chungchang pawh a sawichhuah ngei rin a ni.

'Thaaliku Thangam' scheme atan Rs vbch 204 dah.

Tamil Nadu sorkar chuan mi rethei chhungkuaa hmeichhe pasal nei, an inneihna senso ṭanpuina tura a duan, 'Thaaliku Thangam' scheme-ah kum 2016-17 atan cheng vaibelchhe 294 a dah. He scheme hmang hian mi rethei chhungkua leh hmeithai fa, pasal neite chu sum hmanga puih an nih bakah, rangkachak pek tel an ni ang. He scheme hnuaiah vek hian hmeichhia Cls X pass chin chu ṭanpuina Rs 25,000 pek an ni dawn a, BA leh diploma degree nei chi pawh Rs 50,000 pek an ni bawk ang.