PM Modi-a'n Mann Ki Baat vawi 70-na hmang
Prime minister Narendra Modi chuan thla tina radio programme a neih ṭhin, Mann Ki Baat programme chu nimin khan a ṭum 70-na atan a hmang leh a, ram mipuite chu Dussehra festival duhsakna hlanin he festival hi fimkhur taka hmang tur leh, tualchhung thil siam leh zawrhte ngai pawimawh turin a chah.
Prime minister chuan nimina a thusawinaah hian prime minister hlui Indira Gandhi zahna a hlan nghal bawk.
Modi thusawi ṭhenkhat:
1) Dussehra hi dawhtheihnain harsatna a hnehna ni a ni. Chuvang chuan Covid-19 kan do mek hi kan hneh ngei ang tiin a sawi.
2) Festival kan hman mekah hian dawra thil lei pawh in tualchhung mite siam chu lei hram hram turin a chah bawk.
3) Sipaite chuan festival hun chhung pawhin mipuite himna turin ramri te chu an veng a, anni pual hian mahni in lamah eng chhit sak turin PM chuan mipuite a ngen.
4) Khawvel chuan India tharchhuah te a hria, India miten khadi an siamchhuah kawngah pawh hma an sawn hle a ni, a ti.
5) Lockdown lai pawha khawtlang tana hna thawktu te, sanitisation worker, housekeeper leh guard-te tello chuan mipui nun a harsa leh zual ang. Festival lo thlenah pawh heng mite hi hrereng turin a chah bawk.
6) Kum lama la naupang zawkte chu martial arts zir turin Modi chuan a chah a, tualchhung infiamna Malkham chawinung a, uar turin ṭhalaite a sawm bawk.
7) Inpum khatna hi chakna a nih thu Modi chuan sawiin, sorkar website ekbharat.gov.in kaltlanga donation pe a, inpumkhatna kawnga thawk zel turin mipuite chu a sawm.