UN Assembly-ah Sushma Swaraj-i'n thu sawi

External Affairs Minister Sushma Swaraj-i chuan Thawhṭanni zan khan New York-a UN General Assembly session-ah thu a sawi.

Sushma Swaraj-i chuan Pakistan chu na takin a sawisel a, Balochistan bial mipuite chunga Pakistan sorkar chetdan chu inrahbehna a ni, a ti. Ram hrang hrangte, firfiakte do tura an thawhhonaa tel duh lo ramte chu thlah fal mai a ngai a ni, a ti. Firfiaka chetna thleng ṭhin hneh leh thei tur chuan inhriatthiam lohna amwte dah tha a, lungrual taka thawhho a ngaih thu a sawi.

Swaraj-i chuan Kashmir chu India ram a ni reng dawn tih sawiin, Pakistan-in a ram anga a ngaihna a bansan a hun tawh a ni, a ti.

Sorkar laipui leh BJP chuan UN General Assembly-a Swaraj-i thusawi chu fakin, India tan huaisen takin aw a chhuah a ni, an ti. Delhi Chief Minister Arvind Kejriwal-a pawhin lawmpuina hlanin, Sushma Swaraj-i chuan India thil thlir dan chu ṭha takin a sawichhuak niin a sawi.

Hetihlai hian Congress Party chuan Swaraj-i thusawi danah an lungawi tawk lo hle tih sawiin, Pakistan ram chu firfiak thlawptu ram tia a sawilang ngam lo chu a lungawi thlak loh hle niin, party thupuangtu Randeep Surjewala chuan a sawi. India-in UN hnenah Pakistan hrek tura a ngen ngam lo a nih chuan tudangin ngen ngensak ang, tiin a zawt.