Parliament complex tlawhtute thla lak phal lo

Parliament House complex tlawhtute chu thlalak emaw, video recording emawa an tih phalsak an ni tawh dawn lo.

Joint Secretary (Security), Parliament House, Yogesh Deshmukh chuan Parliament complex chu ram chhunga hmun venhim ngai ber zinga mi a ni tih sawiin, a tlawhtu bakah Lok Sabha leh Rajya Sabha Secretariat staff leh officer-te pawh thla an lak phal a ni dawn lo tih a sawi. Hei hi venhimna kawnga ruahmanna thar siam hnuaiah tih thar a nih thu a sawi. July thla khan AAP MP Bhagwant Mann chuan Parliament chhung thla, video-a a lak chu social media lamah a dah chhuak a, sawisel a tawk nasa hle.