Ni nga thang turin VP Ansari a zinchhuak

Vice President Hamid Ansari chu ni nga thanga West Africa ram pahnih, Nigeria leh Mali ram tlawh turin nimin khan a zinchhuak.

Hamid Ansari hian Nigeria a pan hmasa a, Nigeria vice presidnt Yemi Osinbajo-a'n zin tura a sawmna anga kal a ni. A nupui Salma Ansari, Minister of State for Finance Arjun Ram Meghwal leh MP - Bhubaneshwar Kalita, Dilip Kumar Tirkey leh Mohammad Salim-te'n an ṭawiawm.

Nigeria khawpui, Abuja-ah Ansari hian Nigeria President Muhammadu Buhari bakah Osinbajo, Senate president, House of Representative speaker te a kawm dawn a, National Defence College-ah thu a sawi bawk ang. Lagos governor pawh hmuin, University of Lagos-ah thu a sawi dawn bawk a ni.

September 29-ah Mali ram a pan dawn a, India high level official zingah Mali ram tlawh hmasa ber a ni ang. Mali president leh prime minister te a kawm ang a, National Assembly-ah thu a sawi bawk ang.