Telangana-ah ruah sur nasa vangin mi 1,000 sawnchhuak

Telangana state-ah ruah nasa taka a sur chhunzawm reng avangin tuilian nasa tak a thlen mai hlauhthawnawmin a awm a, hei vang hian Karimnagar district-a cheng mi 1,000 chuang chu hmun him lamah sawnchhuah an ni.

Special Chief Secretary (Revenue) Pradeep Chandra chuan Mid Manair dam bula thingtlang khaw paruk chu, tuiin a chim ṭan avangin heng khuaa chengte hi sawnchhuah an ni tih a sawi a, tuilian a ziaawm chuan an khaw lamah hian hruai kir leh thuai an ni ang, a ti.

Chief Minister K Chandrasekhar Rao chuan minister-te chu an bial
ṭheuha awm turin kar kalta Zirtawpni khan alo hriattir tawh a, an bial chhung≠a ruahsur nasa vanga chhiat≠na thleng leh tuilian din≠hmunte thlithlai a, chhawm≠dawl hna thawhte enpui turin a hriattir. State chhung hmun hrang hrang≠a ruahsur leh tuilian an tawrh vangin nimina cabinet meeting neih tur chu CM chuan a cancel bawk.

Telangana state-a ruahsur nasa vanga chhiatna thlengah hian mi 11 an thi tawh a, an zinga mi pariat chu Medak district ami niin, Warangal district-ah mi pathum an thi tawh bawk. State khawpui, Hyderabad-ah pawh a chuanhnuai lam chu tuiin a chim nasa hle a, Greater Hyderabad Municipal Corporation (GHMC) leh NGO-te chuan harsatna tawkte hi chhawmdawlin, ei tur te an sem a ni.