ISRO-in Satellite pariat kapchhuak

Indian Space Research Organisation (ISRO) chuan nimin zing dar 9.12 khan sattellite pariat phurtu, polar satellite launch vehicle (PSLV C-35) chu Sriharikoti-a First Launch Pad of Satish Dhawan Space Centre aṭangin hlawhtling takin a kapchhuak.

Satellite pariat kahchhuahte hi India siam pathum, Algeria siam pathum, Canada leh US siam pakhat ve ve bakah, weather satellite SCATSAT-1 te an ni. Satellite pariatte hi orbit pahnihah dah an ni.

ISRO chuan kg 311-a rit, SCATSAT-1 chuan tuifinriat awmdan te, khaw chin leh cyclone thlen dan turte a zirchiang dawn tih an sawi a, kah≠chhuah anih aṭanga minute 17 hnuah orbit-ah hlawhtling takin dah a ni a, a dang pasarihte chu a hnu darkar hnihah orbit-ah dah an ni leh bawk.

India siam satellite pathum kah≠chhuah zinga pahnih hi zirlaite siam a ni a, kg10-a rit Pratham satellite chu IIT Bombay zirlaite siam niin, kg 5.25-a rit PISAT chu Bengaluru-a PES University zirlaite siam a ni.

Prime Minister Narendra Modi chuan ISRO scientist-te chu lawm≠pui≠na hlanin, an hnathawh leh inpekna chuan India mipuite rilru a khawih a, khawvel hmuhah India pawh in≠chhuang thei turin an siam a ni, a ti.