Kashmir pumah curfew hlip

Tualchhung buaina chhuak avanga hun rei tak chhung Kashmir Valley-a curfew puan a nih hnuin, nimin khan Kashmir hmun hrang hrangah curfew hlih fel a ni ta. Hmun ṭhenkhatah erawh chuan venthawn thilah punkhawm khap a ni .

Police official chuan nimin khan Kahmir Valley pumah curfew hlih a ni ta tih a sawi a, tual≠chhung boruak pawhin zianawm lam a pan zel tih a sawi. Nimin bik khan buaina chhuak thar hriat a awm lo.

Ni 79 chhung chu Kashmir Valley buaina vang hian sumdawnna hmunte khar an ni tawh a, curfew hlih fel a nih tak avangin nimin tlai lam
aṭang khan bazar-te pawh hawn an ni ve leh ta a ni. Inlakkhran duhtute pawhin nawrh an huaihawt mek chu darkar 16 chhung an thlahdul a, tukin dar 6 thleng a awh ang.

Security force-te'n July 8-a Hizbul Mujahideen commander Burhan Wani an kahhlum avanga tualchhung mite leh security force-te inkara buaina chhuak vang hian mi 82 an thi tawh a, mi sang telin hliam an tuar bawk. Thi zingah hian police pahnih an tel a ni.