J&K-a hel nuai bo turin QAT-in beihpui thlak dawn

Union home minister Amit Shah-a'n Jammu and Kashmir-a helte nuai bo tura hun tiam siam tura security force-te a hrilh hnuah, official-te chuan hel laka beihpui thlak hna hi Quick Action Team (QAC) leh CRPF, Assam Rifles, leh tlangrama National Security Guard awm zinga a bika training pek sipaiten an thawk dawn tih an sawi.

Hel pawl nuai bo tur hian tun nipui aṭang hian J&K huam chhunga hel awmna hrang hranga beihpui hi thlak a ni dawn. He hmalakna hi sorkar laipui aṭanga kaihhruaina tih chhuah bawhzuina tur niin, kum 2026-a J&K chu helpawl awm lohnaa siam tumna tih hlawhtlinna tur kawng pawimawh tak a ni bawk.

J&K a venhimna chungchang ngaihtuaha Amit Shah hoa meeting neihah, Union Minister chuan Union Territory huamchhung chu hel pawl awm lohna hmun a siam tura hma la turin sipaite a hriattir a ni. He hriattirna bawhzui hian central security force chuan J&K Police thawhpuiin, hma lak dan tur ruahmanna pawh an siam a, hei hi 'umbrella approach' an ti.

CRPF chuan Kasmir bial chhungah beihpui thlak tur hian QAT panga a tir dawn a, tlangram lam, helho tana bihruk bo awlsamna hmunah te dap chhuah hna hi an thawk dawn a ni. Ram ngaw lama beihpui thlaknaah Assam Rifles leh National Security Commando te an che chhuak bawk ang. Helpawl laka beihpui thlaktu tur force hrang hrang hian Jammu-ah 'joint operation hub' an siam tawh bawk.