Deve Gowda-a'n chaw ngheiin nawrh a huaihawt

Prime Minister hlui, JD (S) hruaitu HD Deve Gowda chuan ramchhunga loneitute intihlum an pun zel chungchang leh, an harsatna tawhte chu Par­liament-a sawiho phutin nimin aṭang khan chaw ngheia nawrh a huaihawt.

Jantar Mantar-a nawrh a huaihawtah, Gowda hi an party hruaitute bakah Samajwadi Party hruaitute'n an thlawp a ni. Gowda chuan loneitute dinhmun hi sawiho a nih hma chuan nawrh chhunzawm zel a tum thu a sawi.

Union Agriculture Minister Radha Mohan Singh-a'n loneitu inti­hlum an awm leh thin chungchanga zawhna a chhanna chu Agriculture Minister ni tawh thusawi zingah ṭha lo ber a ni, a ti.

Agriculture Minister Singh hian Rajya Sabha inkhawma zawhna a channaah loneitute intih­hlum chhan tam zawk chu chhungkaw harsatnate, inneih thil chhawm vang te, nupa kara hmangaihna vangte leh nupa nun hman ṭhat theih loh vangte a ni, tiin a sawi.

Ramchhunga loneitute sang tel chu an dinhmun harsa lutuk avangin an intihlum tawh a ni tiin, Gowda chuan, "Karnataka state bikah chuan nitin loneitu intihlum hi 16 zel awm ang a ni a, Thawhṭanni bikah pawh hian mi pakua an intihlum leh tawh a ni," a ti.