Nov 30 thleng Interna­tional flight titawp chhunzawm dawn

Directorate General of Civil Aviation (DGCA) chuan coronavirus leng vanga international passenger flight tihtawp chu November 30 thleng atan pawhsei a ni tih nimin kha a sawi. 

March 23 aṭang khan Covid-19 vangin India ramah international passenger service tihtawp a ni. Mahse ram danga tangkhangte hruai hawna turin sorkar chuan Vandha Bharat Mission hnuaiah special inter­national flight a thlawh tir thung. July thla aṭang khan ram 18-te nen 'air bubble' arrangemente siamin, special international flight thlawh tir a ni. 

Air bubble inremna a siampui zingah hian US, UK, UAE, Kenya, Bhutan leh France-te pawh an tel a ni. 

DGCA chuan international flight tihtawp hian thuneituten a bika phalna an pek leh bungraw phurte erawh a huam tel lo tih a sawi. 

Hetih lai hian domestic passenger flight erawh thla hnih chuang tihtawp a nih hnuin May 25 aṭang khan service tir an ni tawh a ni.