President-in hmeichhe hmasawnna tur conference hawng dawn

President Droupadi Murmu chuan vawiin, March 8 hian International Womens's Day pualin'women-led development for a developed India’ tih hmanga National Conference a hawng dawn. “Nari Shakti Se Viksit Bharat” conference-ah hian kawng hrang hranga hmeichhe hnathawktu eng emaw zat an tel dawn a ni.

Conference-a hmeiche chhuanawm tak tak tel tur zingah hian sipai huang hrang hrang, para-military force leh Delhi police-a hmeichhe officer-te an tel bakah My Bharat volunteer, anganwadi thawktu, ASHA thawktu, leh self-help group member, ministry leh department hrang hranga hmeichhe officer-te an tel dawn. International organisation hrang hrang - World Bank, United Nations Children Fund(UNICEF), UN Women, United Nations Development Programme(UNDP) leh United Nations Population Fund(UNFPA) aiawhte an tel dawn bawk.

National Conference neih kar lakah hian technical session vawi thum huaihawt tura tih niin STEM, business, sports, media, leh governance huanga hmeichhe hruaitute nen neih tum a ni.

Sorkar laipui chuan #SheBuildsBharat mega campaign chu vawiin hian a tlangzarh nghal dawn bawk. International Womens Day pual hian prime minister Narendra Modi chuan Lakhpati Didi programme chu Navsari, Gujarat-a Vansi-Borsi-ah a hman pui dawn a hemi hunah hian hmeichhia nuai 1.1 chuang an tel beisei a ni.

Vawiina programme hman turah hian mellung thar phunna turin ruahmanna leh hun hman dan hrang hrang, dan leh thupek kenkawhna lamte chu hmeichhe police officer leh staff-ten an ruahman vek dawn niin official thuchhuah chuan a tarlang. Ruahmanna felfai tak kalpui anih theihna tur hian hmeichhe constable 2,165, hmeichhe PI 187, hmeichhe DYSP 19, hmeichhe DSP panga, hmeichhe PSI 61, hmeichhe IGP pakhat, leh hmeichhe ADGP pakhatte chu programme thlithlai tur hian an ruat.