West Bengal Education Minister lakah FIR an thehlut

West Bengal-a Jadavpur University-a March 1 a buaina chhuak vangin, education minister Bratya Basu leh professor Om Prakash Mishri-te lakah Ningani khan FIR theh luh a ni. FIR theh luh hi Calcutta High Court-in state sorkar hnena hma la tura a tih anga bawhzui a ni.

Justice Tirthankar Ghosh chuan FIR thehluh chungchang sawiin,"Thubuai thehluh zawng zawng hi thlirna hmun khat aṭang chauha thlirna a nih avangin state sorkar a chet a ngai a ni" tiin, FIR thehluhte hi zirlai lam sawiselna ringawt niin a tarlang bawk. Buaina chhuakah hian zirlai pakhat, Indranuj Roychu minister lirthei hian su in a mit bawrah hmun 14 ah ṭhui a ngai.

Buaina leh harsatna chhuah chhan tarlanah hian, zirlai ten student union election neih ngiata an punkhawm laiin, minister Basu motor chuan zirlai pungkhawmte chu a su tlang lui niin sawi. Minister chuan a driver hian zirlai pungkhawm chu hlauin a su ta mai niin a sawi a ni.