SC-a kaisang turin Calcutta HC judge nilai rawtna thlen

Supreme Court of India Collegium chuan Ningani khan Calcutta High Court judge, Joymalya Bagchi chu India court sang bera thawk turin rawtna an thlen. He rawtna thlen hi sorkarin a pawm a nih chuan justice Bagchi hian Chief Justice of India (CJI) nih theihna a nei dawn a ni.

Collegium hian tun dinhmunah Supreme Court bench-ah hian Culcutta High Court aṭangin Justice Dipankar Datta chiah judge a awm niin a tarlang.

Bagchi hi June 27, 2011 khan Calcutta High Court judge atana ruat niin, January 4, 2021 khan Andra Pradesh High Court-a sawn a nih hnuah November 8, 2021 vek khan Calcutta High Court-ah hian sawn a ni leh a ni. High Court Judge hna hi kum 13 chuang thawk tawhin, High Court judge hun rei tak chhung a thawh chhung hian huang hrang hrangah tawnhriat hrang hrang a nei tawh bawk niin SC Collegium chuan a sawi. Justice Bagchi hi India ram pumpuia High Court Judge zingah leh CJI ni lai pawh huam telin Judge zinga seniority-ah 11-na dinhmun a hauh mek a ni.