SC-in AIPMT exam hall-ah lu khuh a khap

Supreme Court chuan Central Board of School Education (CBSE) in All India Pre Medical Test (AIPMT) exam a buat­saihah, exam hall-a Muslim hmeichhiate'n an lu khuh phalsak tura an dilna chu a hnawl.

Chief Justice HL Dat­tu kaihhruai bench chuan Students Islamic Organisation of India-in muslim hmeichhiate exam an neih laia an lu khuh an dilna chu hnawlin, "Exam-ah hian in lu in khuh loh khan, in rinna a bo phah lo ang," a ti.

Muslim zirlaite ngen­na chu mahni chauh inngaihtuahna a ni tiin, court chuan candidate-te hian an lu khuhna chu exam zawhah an hmang zawm leh nghal thei a ti.

Kerala High Court chuan Muslim hmeichhe pahnihte chu July 25-a AIPMT neihah an lu khuh phalsak avangin Muslim zirlai pawl hian Supreme Court-ah muslim hmeichhe candidate zawng zawng tan a dil sak ve leh a ni. Court chuan an lu khuh a phalsak mi pa­hnihte hi exam ṭan hma darkar chanve-ah exam endiktute hmaah inlan turin a hrilh a ni.