Srinagar-ah telecom company showroom bei

Jammu and Kashmir khawpui, Srinagar-ah nimin khan hel nia hriatte'n private moble telecommunication com­pany pahnih showroom beiin, grenade an vawm lut a, mahse hliam tuar an awm lo.

Chawhma dar 11.30 vel khan mi pahnih chu Karan Nagar-a Aircel office-ah kalin grenade an vawm luh hnuah an tlanchhe nghal a ni. Hemi hnu lawk hian Aircel office aṭanga meter 500 vela hla, Vodafone showroom chu an beih leh a ni. Showroom pahniha grenade puak vang hian hliam an awm lo a, police-te chuan misualte hi man ngei an nih theihna turin khawpui chhunga check point-te pawh hriattir vek an ni tih an sawi.

May thla khan hel­ho chuan Sopore khua­ah mobile telecom­mu­nication hmunah grenade an lo tipuak tawh bawk a, a hnuah telecom lama sumdawng mi pahnih an that.