PM-in loneitute ram a laksak kan phal dawn lo: Rahul Gandhi
Congress vice president Rahul Gandhi chuan nimin khan Andhra Pradesh-ah kea kawngzawh (padyatra) neiin, loneitute leh hmeichhiate'n harsatna an tawh hrang hrangte a sawichhuak a, Congress chuan an tan theihtawp a chhuahsak zel dawn tih a sawi.
Anantapur district-a hun a hmannaah Rahul Gandhi chuan centre-a rorellai, BJP kaihhruai National Democratic Alliance (NDA) sorkar chu beiin, Congress party chuan Prime Minister Narendra Modi chu loneitute ram a chhuhsak an remti ngai dawn lo tih a sawi.
Rahul Gandhi hian Obudladevara Cheruvu khua aṭangin ke-in a kalchhuak a, kawng lakah loneitute a hmu nghal bawk. He khua hi kum 1979-a a pi, Prime Minister hlui Indira Gandhi-in thu a lo sawi tawhna hmun a ni.
Padayatra a neih chhungin Gandhi hian Dr BR Ambedkar leh AP chief minister hlui YS Rajasekhara Reddy limte chu pangpar ṭhi a awrhtir nghal bawk ang. Anantapur khuaah NREGA worker-te meeting a neihpui bakah, tun hnaia leiba ngah avanga intihlum, loneitu Harinath Reddy chhungte a hmu bawk ang.
Rahul Gandhi hian kea kawngzawh a neihah hian thingtlang khua a tlawh nghal a, kilometre 10-a thui kalin, loneitute bakah zirlaite leh hmeichhe self-help group te a kawm bawk a ni.