Vyapam scam: MP Minister hlui lakah FIR ziak lut

Madhya Pradesh-a Vyapam kaltlanga dik lo taka Constable lakna kaihhnawihah, Central Bureau of Investigation chuan Madhya Pra­desh Higher Education Minister hlui, Laxmikant Sharma leh a thawh­pui, Om Prakash Shukla-te lakah FIR a ziak lut. Vyapam buaina kaihhnawih­ah hian FIR 13 ziah luh tawh a ni.

Vyapam scam hi member 40 awmna CBI chuan a chhui mek a, Joint Director RP Agarwal-a'n a ho. CBI-in FIR 13 a ziahluhah hian mi 52 hming tarlan a ni a, an zingah hian minister Sharma leh a officer hlui, Shukla-te hi an tel.

CBI-in thubuai a lak hma hian state investigating agency, Special Task Force chuan Vyapam scam hi a lo chhui tawh a ni. STF hian he buaina kaihhnawihah hian thubuai 185 chuang a ziak lut tawh a, mi 2,000 vel man an ni tawh bawk.

Vyapam-in dik lo taka profe­ssional course zir tur leh sorkar hna ṭhenkhat a lak dan chu CBI hian a chhui dawn a, hei bakah hian Vyapam scam-a inhnamhnawiha puh mi 40 chuangte thihna chung chang pawh a chhui tel bawk ang.