Memon-a'n SC-ah dilna a theh lut leh

July 30-a khaihlum tura tih, Yakub Memon chuan Supreme Court-in zahngaihna lantir tura a dilna a hnawlsak hnuah, nimin khan SC-ah vek hian tihhlum a nih hun tur chu tikhawtlai turin a ngen leh.

Thawhlehni khan SC chuan Memon-a'n tihhlum tura hremna tinep tura a ngenna hi a hnawlsak a, a ngenna court-in a hnawlsak hnu lawk hian Maharashtra Governor Chennamaneni Vidyasagar Rao hnenah zahngaihna lantir turin a dil leh nghal a ni.

Nimina SC-a ngenna a thehluhah, Memon chuan Maharashtra Governor hnenah dilna a thehluh leh mek avangin tihhlum a nih hun tur hi tihkhawtlai turin a ngen.