Goa police-te'n school zirlai tan 'Little Police' an siam

Goa police-te chuan school naupangte hnenah police-te hlutna hriattirna kawng khat atan, 'Little Police' tih chu an siam a, he hi August thla chhungin state pumah kalpui hman beisei a ni.

Inspector General of Police Sunil Garg chuan, "Little Police tih hmang hian police inspector-te chuan school hrang hrang tlawhin, zirlaite chu police hnathawh leh an ṭangkaina hrang hrangte hrilh a, zirtir ṭhin an ni ang. Zirlaite nen inkawmna hunte an buatsaih ang a, school naupangte chu police card-te pek an ni bawk ang," a ti.

Sunil Garg chuan 'Little Police' kalpui hi Chief Minister Laxmikant Parsekar-a'n police hotute a kawm ṭumin a rawt chhuak a ni, a ti.

Little Police program hnuaiah hian zirlaite chu zirtirna pek an nih bakah, nu leh pate pawh ruihhlo leh cybercrime laka an fate ven dan turte pawh zirtir an ni bawk ang.