India-in khawvel huapa ralthuam lei tam lamah pahnihna hauh

Stockholm International Peace Research Institute (SIPRI) in khawvel huapa ralthuam lei dan punna zirchianna an neih thar berah, India chu khawvel huapa ralthuam lei tam ber dawttu a ni. Khawvel huapa ralthuam lei tam ber chu Ukraine niin, Russia nen kum li lai an indo tawh avangin an ralthuam lei zat hi a let 100-in a pung a ni.

India-in ramdang aṭanga ralthuam a lei zat hi tam viau mah se, 2015-19 leh 2020-24 chhung hian ralthuam lei zat chu 9.3% in a tlahniam thung. India hian ralthuam a leisak nasatna ram tarlan ah hian Russia leh France an langa, hetih lai hian Russia aṭanga ralthuam a lei zat hi tlahniam mah se, India in ralthuam a leisak tam ber ram an ni pha tho a ni.

Zirchiannain a tarlan danin khawvel huapah 2020-24 chhung khan, Asia leh Oceania ram pali - India, Pakistan, Japan, leh Australia chu ralthuam lei tam ram 10 zingah an lang pha a ni. Russia chuan ralthuam a hralh chhuah hi ram 33-ah 2020-24 chhung khan hralhin, hemi chhunga ralthuam an hralh hmun thuma ṭhena hmun hnih chu India(38%), China(17%), leh Kazakhstan(11%) ah te an hralh chhuak.

India chuan France aṭanga ralthuam leitu ram zingah lei hnem berin ralthuam hralh chhuah aṭanga 28% an lei ni a tarlan a ni. France aṭanga India in ralthuam a lei zawng zawng percent hi France-in European ram chhunga ralthuam an hralh chhuah zawng zawng belhkhawm 15% aiin a tam zawk a ni.