PM Modi-in Mauritius a tlawh

Prime minister Narendra Modi chuan, nihnih chhung cham turin nimin Thawhlehni, khan Port Louis, Mauritius a thleng. PM Modi hian Mauritius prime minister Navin Ramgoolam sawmna ti hlawhtlingin he thliarkar hi a tlawh a, Sir Seewoosagur Ramgoolam International Airport Mauritius-ah PM Ramgoolam hian a lo hmuak a ni.

PM Modi hi Mauritius-a India mi leh sa cheng ten an lo hmuah bakah, Bihari hnam tih dan 'Geet Gawai' hmangin an lo lawm bawk a ni. PM Modi chuan," Mauritius-a India mi leh sa awm ten min lo hmuah dan chuan min hneh takzet a ni. India hnam leh sakhua tih dan an hlutna chu a lawmawm ka ti a, heihian rampahnihte in thlunzawmna thuk takin a nghawng a ni" tiin an lo hmuah danah a lawm thu X kaltnagin a tarlang.

PM Modi hian a cham chhung hian ram pahnih thawh dunna tur hrang hrang an ziak fel dawn a ni. Mauritius ram hruaitute nen hian thawh dunna tur hrang hrang sumdawnna, thawhhona tih hmasawn kawngah leh ramri pela sum hmanga pawikhawihna thleng ṭhin chungchangah te an inbe dawn a ni. PM hian a cham chhung hian Mauritius national day lawmna a hman pui bakah khuallian a ni dawn bawk. A cham chhung hian ram hruaitu hrang hrangte nen inkawmna hun an nei nghal ang.