Gujarat CM hlui Keshubhai Patel a thi

30th October, 2020

Gujarat chief minister hlui Keshubhai Patel chu nimin khan kum 93 mi niin Ahmedabad hospital-ah a thi.

Keshubhai Patel hi kum 1995, March - October, 1995 leh March, 1998-October, 2001 chhung khan Gujarat CM niin, Gujarat-ah BJP sorkar hmasa ber a din a ni. Kum 2012 khan BJP chhuahsanin, political party thar 'Gujarat Parivartan Party' a din.

September 18 khan Patel hian Covid-19 a kai tih hriat a ni a, mahse a hri kai erawh chu enkawl dam a ni tawh thung. A fapa, Bharat chuan prostate cancer a nei tel tih sawiin, nimin zing lam kha thawk lamah harsatna a neih avangin damdawi-in panpui niin nimin tlai khan a thi a ni. Nizan khan vui nghal a ni.