ASHA thawktu te'n sum hmanga puihna dawng dawn: JP Nadda

Parliament session neih mekah Union health minitser JP Nadda chuan, Rajya Sabha-ah Thawhlehni khan Accredited Social Health Activists (ASHA) thawktu te hnenah sum hmanga puihna pek an nih tur thu a sawi. He hmalakna neihtur hi ramchhung hmun hrang hranga ASHA thawktu ten an ngen vang leh an hna thawhin a phu vang a ni a ti.

Minister-in hmalakna tur a puan hi, sorkar laipui hnuaia outreach programme hna thawka nausen thi leh raicheha thi te tih thlem anih theihna tura thawktute an nih vang leh an hmalaknate hmanga ramchhunga hmasawnna awmte avang hian an phu niin a sawi lang bawk.

National Health Mission hnuaia mission khalh ngiltu pawl leh policy duangtu pawl ten kar hmasaa meeting an neihah khan ASHA hnuaia thawktu te tana lawmman pek tih pun hi rawt a ni. Sorkar chuan he rawtna atan hian hmalakna neih nghal a tum thu hi Nadda chuan Upper House-ah hian a sawi chhuak a ni.