Israel-in Ganga lui thenfai pui a inhuam

Defence sector lama India thawhpui pawimawh tak, Israel chuan water management lamah India chu thawhpui a, Ganga lui thenfaina tura project siamah sorkar chu puih a inhuam thu a sawi.

Tui lam sawngbawl hna, lui tui al thenfai leh recycling technique Israel-in a hman ram tam takin an entawn tawh a ni. He technique hi khawkheng nasa tak an tawrh avanga tui lama harsatna an neihte sutkianna ṭangkai takin Israel hian a lo hmang tawh bawk.

Israel hian tui hman tawh hnu, thlai chawmna atana hman nawn leh dan pawh a duang a, an rama an tui hman zinga 80% zet chu agriculture lama hman nawn theih tura siam an ni.

Union minister Uma Bharti kaihhruai, Union Ministry for Water Resources, River Development and Ganga Rejuvenation member-te nen an inkhawmah, Israel official Water manatement technique an neihte hi Ganga lui thenfaina atana a ṭangkai theih tur thu an sawi. August thla hian Israel mithiamte chu Ganga lui thenfai tumna lai leh, hemi atana an ramin a tih theih turte enfiah turin an rawn zin ang.