Rights group-in Bengal sorkar khin a tum

Kolkata-a civil rights organisation, Association for Protection of Democratic Rights chuan Mamata Banerjee-i kaihhruai, West Bengal sorkar chu Maoist hruaitu, Kishenji a thah avangin court-ah khin a tum.

West Bengal-a rorellai, Trinamool Congress MP leh CM Banerjee-i vahpa, Abhishek Banerjee chuan tun hnai khan Kishenji hi TC kaihhruai sorkarin a that niin a sawi.

TC-in thuneihna a chan hnu lawk, kum 2011 November thla khan CPI (Maoist) Polit Bureau member, Mallojula Koteswara Rao, Kishenji tia sawi ṭhin hi Paschim Medinipore district-a security force-te nen an inbeihnaa a thi niin sorkar lam chuan a sawi. Mahse civil rights group chuan Kishenji hi state sorkarin ru boin, rawng takin a sawisa hlum a ni, a ti.

Association for Protection of Democratic Rights member-te West Bengal sorkar laka PIL thehlut turin Telangana-a Kishenji chhungte chu an be mek tih an sawi. Kishenji chhungte hian an thehlut lo a nih pawhin an pawl hmingin Calcutta High Court-ah PIL hi thehluh an tum a ni.