Punjab-ah Shiv Sena hruaitu kap hlum

Shiv Sena hruaitu kum 53 a upa Mangat Rai, Manga tiha hriat chu, Ningani khan Moga district Punjab-ah kahhlum a ni. Inkahna hi 'mimal inhuatna' awm vanga thleng niin an sawi. Rai hi damdawiin panpui anih hnuah a hliam tuar loin a thi zui a ni.

Mangat Rai hi Moga-a Baghiana Basti huam chhunga cheng niin, Shiv Sena Moga unit president nilai a ni bawk. Rai kahhlum a nih dan tarlanah hian, thil lei tura a chenna in aṭanga a chhuak chu Gill lal in bulah bike a chhuang mi pathumte chuan an rawn kaphlum niin an sawi.

Silaia kah a nih hnu hian Rai chu two wheeler hmangin a tlan chhe zui a, amah kaptu te hian um zuiin silai hmehpuah a ni zui bawk. Pawikhawihna thleng vang hian a bulhnaia lo awm naupang kum 11 mi chuan hliam tuarin damdawiin panpui a bawk. Naupang hi enkawl zui a nih hnuah a dinhmun chuan ziaawm lam a pan leh thei a ni.

Mangat Rai hian khawtual mi ṭhenkhat te nen a hmain an lo intibuai tawh niin an sawi a, hengte avang hian i kahna hi a chhuak ta nia sawi a ni bawk. Senior Superintendent of Police Ajay Gandhi chuan pawikhawihtute lakah hian Moga City South Police Stattion-ah miparuk lakah thubuai ziah luh a nih tawh thu a tarlang.