Bengaluru-in BJP national executive council meet thleng dawn

BJP chuan National Executive Council meeting chu, April 18 aṭanga 20 chhung khian Bengaluru-ah neih tum a ni. Bengaluru-a meeting neih tur hi BJP-in Mission South project an kalpui tih hlawhtlinna tur peng pakhat niin an tarlang.

Meeting agenda atan hian party president thar puan chungchang bakah, chief thar South India atana ruat tumnate, hmeichhe hruaitu tur thlan chhuah bakah party policy anga politics-a hmeichhia inhmang tih tamna tur hmalakna neihte chu agenda ah hian telh a nih thu puan a ni bawk.

BJP Andhra unit chief Daggubati Purandeswari chu hmeichhe hruaitu ruat chhuah tur zingah beisei a ni. A ni bakah hian hmeichhe dang union minister Monahar Lal Khattar, Bhupendra Yadav leh Dharmendra Pradhan-te chu hmeichhe hruaitu ruat tur hming tarlan zingah hian an tel a ni.

"He hmalakna hi party-in South India-a inthlanna tur lam a hawi tih lantirtu a nih bakah, Karnataka state huan chhunga inpumkhatna thlen thei zawk tur a ni thu leh tun dinhmuna Congress rorelna hmuna hmalakna chak tak neih theihna tur atana tih a ni" tiin meeting neih tur chungchang hi BJP senior leader chuan a sawi.