Cabinet-in rel station 400 cheiṭhat a remti
Prime Minister Narendra Modi kaihhruai cabinet chuan Ningani khan ramchhunga rel station 400 cheiṭhatna tura rawtna an pawm.
Rel station hrang hrangte hi method thar, 'Swiss Challenge' tih hnuaiah chei ṭhat an ni ang. Swiss Challenge hian public project hrang hrang, lawng chawlh hmun leh rel station cheiṭhatna tur tender hi tihchhuah a ni ang.
Finance Minister Arun Jaitley chuan A1 leh A caterogy station-te chu Swiss Challenge method hnuaiah hian cheiṭhat an ni dawn tih a sawi a, tender tihchhuah chu expert committee-in a endik dawn niin a sawi.
Railways chuan ramchhunga rel station 700 chu an sum lakluh dan a zirin caterogy pasarih-ah a ṭhen a, A-1 category chu kum khata khualzinte aṭanga cheng vaibelchhe 50 leh a chung lam la lut chin an ni a, caterogy A chu kum khata cheng vaibelchhe 6-50 inkar la pha chin an ni. A-1 leh A category hnuaia station-te hi khawpui lian leh biakzina kalte tlawh ṭhin sakhaw hmun pawimawh bakah khualzinte tlawh tam hmuna awmte an ni.