UNESCO World Heritage Centre atan ramchhung hmun paruk ruat belh

Union Minister of Culture and Tourism Gajendra Singh Shekhawat chuan, nimin Thawhṭanni khan UNESCO World Heritage Centre-ah ramchhunga hmun pawimawh hrang hrang paruk dah belh tura rawtna a awm thu a sawi. Hmun pawimawh paruk zingah hian Telangana-a Mudumal Megalithic Menhirs leh Madhya Pradesh leh Uttar Pradesh-a awm Bundelas lal in leh kulh chu tarlan tel a ni.

Heng ramchhung hmun hlui leh pawimawhte UNESCO World Heritage Centre-a dah belh tur chungchang hi, BJP MP Sambit Patra-an Heritage Centre-a Puri's Jagannath Rath Yatra dah tura rawtna a siam chhanlet rualin a sawi chhuak a ni. Heng heritage centre atana telh te hi Intangible Cultural Heritage huanga dah belh tum niin dah belh ngei tur tih chian ala awmlo thung.

Ramchhung hmun pawimawh paruk dah belh tur hi, March 7 khan tentative list-ah dah belh an nih thu chu India aiawha UNESCO member ni mekin thuchhuah siamin a tarlang. World Heritage Centre-a awm tur hian tentative list-ah an awm hmasak ngei ngei phawt a ngai a, tentative list-ah dah an nih hnuah chauh Heritage List-a tel tur hian an nominate theih a ni.

India hian UNESCO World Heritage hnuaia dah tur hmun 62 nei mekin, UNESCO World Heritage hnuaia dah ngeh tawh hi 43 awm mek bawk. India thil neih UNESCO World Heritage zinga dah tawh 35 hi 'Cultural' huanga mi niin, pasarih chu 'Natural' huanga mi a ni a, hei bakah hian adang pakhat chu 'Mixed' huangah dah ngheh a ni tawh bawk.

World Heritage huanga dah belh thar tarlan zingah hian Chhattisgarh-a Kanger Valey National Park, Ashokan Edict siteleh Mauryan Route state hrang hrang a awm leh, India hmar lama awm Gupta temple leh Chausath Yogini temple state hrang hranga awm te chu rawtna thar zingah hian an tel a ni. India hian kum 2024 khan, World Heritage Committee chu thlengin hemi ṭum hian Moidam- Ahom Dynasty hun laia in phumna hmun atana an hman Assam-a mi chu UNESCO chhinchhiahna pek a lo ni tawh bawk a ni.