Amritsar-a temple bomb-tu kahhlum nghal a ni

Thakur Dwara Temple Amritsar-a awm chu Inrinni liam ta khan bomb hmanga beih niin, temple a puak thei thil ti puaktu zinga pakhat chu police nen in kap zui nghalin a hmunah kah hlum nghal a ni. He pawikhawihna thlenga in hnamhnawih nia rinhlelh pakhat chu a tlan chhe hman niin, nimin Thawhṭanni khan police-in an tarlang.

Bomb puahna hi Thakur Dwara Temple bula thleng niin, mihring thi an awm lo thung. Mahse temple bang leh darthlalang eng emaw zat chu a chhia tih an sawi. Temple beitu nia hriatte hian police-te kapin silai an hmet puak hmasa a, police lam inveng hian an kap let niin an sawi bawk. Inbeihna thlengah hian head constable Gurpreet Sing chuan hliam te nau a neih bakah Inpsector Amolak Singh a turban lukhumah an kap fuh bawk a ni.

Heng pawikhawihna thleng a inhnam hnawih tlan chhe ta hi a chenna hmun hriat chhuah ni tawhin man tuma beihpui thlak zui anih thu police lam chuan an tarlang. Pawikhawih tu kahhlum tak hi mi thil chhuhsak leh mi vo vanga thubuai nei lai niin, tlan chhe ta Vishal pawh hi mi thah tumna thubuai awrh lai a ni bawk.