10th Raisina Dialogue neih ṭan a ni

Raisina Dialogue vawi 10-na chu, nimin Thawṭanni khan prime minister Narendra Modi chuan hawnna hun a hmang, he hunah hian New Zealand prime minister Christopher Luxon chu khuallian niin thusawina hun a hmang nghal bawk. Raisina Dialogue-ah hian theme atan “Kalachakra: People, Peace, Planet.” chu hman niin, March 17 -19 thleng hman tura ruahman a ni.

Nimina Raisina Dialogue vawi 10-na hman chu, ministry of external affairs leh Observer Researach Foundation(ORF) thawk dunin an co-host bawk. Raisina Dialogue hi India bultuma neih ṭhin niin, India-in ram hrang hrangte nena geopolitical leh geoeconomic huanga thawh hona ṭha neihna tura ruahman niin, khawvel huapa harsatna hrang hrang awm te hmachhawnna tur atan hmalakna peng pawimawh tak pakhat a ni bawk.

ORF thuchhuahin a tarlan danin, hun hman naah hian hemi huanga hlawkna tel thei tu hrang hrang institution, organization leh mimal he mission ngaihlutu hrang hrangte an tel ṭhin a ni. Hun hmanna ah hian mi 3,700 bawr vel leh speaker 800 bakah ram hrang hrang 130 aṭangin ram aiawh an tel a, heng zingah hian state hruaitu, minister leh dan siamtu, diplomats, policy planner, sipai hotu, leh sumdawnna huang leh institution hrang hrang hruaitute an tel bawk a ni.

Raisina Dialogue neih chhung hian thupui pawimawh tak tak sawi a ni dawn a, ‘Politics Interrupted: Shifting Sands and Rising Tides’, ‘Resolving the Green Trilemma: Who, Where and How’, ‘Digital Planet: Agents’, ‘Agencies and Absences, Militant Mercantilism: Trade, Supply Chains and the Exchange Rate Addiction’, ‘The Tiger’s Tale: Rewriting Development with a New Pen’, ‘Investing in Peace: Drivers, Institutions and Leadership’ tih te chu sawiho tur thupui atana ruahman lawkte an ni.