Defence tih chakna turin India leh Australia thawk dun dawn

Director General of India's Defence Intelligence Agency (DIA), Lieutenant General DS Rana chuan, venhimna lam huang tih hmasawnna turin, vawiin Nilaini hian Australia a pan ang. Lt Gen Rana hi March 21 thleng a cham dawn niin official chuan an tarlang.

Ministry of Defence(MoD) chuan he intlawh tawnna tur chungchanga an hmalakna turte sawi nghalin, he intlawh tawnna hi ram pahnih thawh dunna tih chakna tur a nih bakah chipchiar leh famkim zawka India leh Autralia thawh dunna tih hmasawnna tur a nih thu an tarlang bawk.

Lt Gen Rana zin chhung hian senior Australian Defence official-te nen inkawmna hun an hmang dawn a, inkawmnaah hian Deputy Secretary of the Department of Defence, Director General of National Intelligence (DGNI), Chief of Defence Intelligence, leh Chief of Joint Operations of the Australian Defence Forces (ADF) an tel ve dawn a ni. MoD chuan,"He intlawh tawnna hian ram pahnihte inkara intelligence hmanga venhimna thawh dunna tih changtlun leh ralmuanna bakah inkar nghet leh, ramri venhimna kawng tih hmasawnna thlen thei dawn a ni" tiin thuchhuah an siam.