Supreme Court: Damchhung tang tura tihte state-in a chhuah thei lo

Supreme Court-a constitution bench chuan thiam loh chang, dam chhung tang tura hremte chu state sorkarin a chhuah thei lo tih a sawi.

Chief Justice HL Dattu kaihhruai, judge panga awmna bench chuan nikum July thlaa Supreme Court thupek lo tihchhuah tawh, state sorkarin damchhung tangte a chhuah theih loh tur thu a sawi chu an titawp duh lo a ni.

Nimin khan SC thupek lo siam tawh hi ngaihtuah a ni a, state aiawhte chuan damchhung tang tura hrem, kum 20 chuang tang tawh chin tal chu state sorkarin a chhuah zalen phalsak turin an ngen a ni. Mahse Chief Justice chuan hemi chungchang hi uluk taka ngaihtuah a nih hunah court-in thutlukna a la siam chauh ang, a ti.

Tamil Nadu sorkar chuan Prime Minister hlui, Rajiv Gandhi thahnaa inhnamhnawiha puha thiam loh chantira dam chhung tang tura hrem, mi 7-te hremna chu tihtawp a, chhuah zalen a tum avangin nikum khan Supreme Court chuan thupek hi a tichhuak a ni.