Nagpur buaina chhuak vangin tualchhung politician man

Maharshtra, Nagpur-a Thawhṭanni zana buaina chhuak kaihhnawihah, nimin Nilaini khan Nagpur police-te chuan tualchhung politician Fahim Shamim Khan, Minorities Democratic Party(MDP) hruaitu chu an man niin an tarlang. Khan hi March 21 thleng thuneituten an kawl rih dawn a ni.

Police-te hian buaina chhuah hma lawka Khan-an buaina chhuak thei zawnga thu a sawi lai video leh thlalakte an hmuh chhuah hnuah, Nilaini khan an man zui nghal a ni. Police-te chuan Aurangzeb-a thlan Chhatrapati Sambhajinagar district-a awm chu tihbo ngiatin Hindu pawl leh Muslim pawl te inkarah buaina hi a chhuak zui niin an tarlang. Thawhṭan zana buaina chhuak vang khan hmun ṭhenkhat ah nimin Nilaini thleng khan curfew puan chhunzawm zel a ni.

Buaina chhuak kaihhnawihah hian mi 60 chuang man tawh niin, thubuai paruk ziahluh a ni tawh bawk. Heng bakah hian hmun hrang hrang aṭangin mi 1,200 lakah compalint theh luh a ni tawh bawk. Maharashtra chief minister Devendra Fadnavis leh a deputy Eknath Shinde chuan buaina chhuak hi mi tu tih hriatloh in a chawh thawh niin Thawhlehni khan an lo sawi ve bawk a ni.