PM Modi-an Sunita William leh thawhpuite lo lawm

Prime minister Narendra Modi chuan, nimin Nilaini zing khan van thengrenga zin astronaut rawn kirte lawmpuina thu X-ah a ziak. Sunita William leh Crew-9 astronaut-te chu Thawhlehni khan Florida tuipui kamah him takin an rawn thleng a, William leh Crew-9 astronaut-te van thengrengah hian SpaceX Dragon spacecraft hmanga in kap chhuakin hemi hmang vek hian an lo kir leh a ni.

NASA astronaut Sunita William leh Butch Wilmore-te hi, NASA Boeing Crew te nen flight test neiin nikum June 5 khan van boruakah an inkap chhuaka, ni riat chhung cham tura beisei an nih laiin Starliner-ah harsatna a awm avangin ni 286 thla kaw chhung van boruakah an cham leh ta zawk a ni.

PM Modi chuan van boruaka zinte, himdam taka an rawn kir leh chu lawmawm a tih thu sawiin,"An tum ruhna thuk leh ropui tak chuan khawvela mi maktaduai tam tak hnenah phurna a pe reng tawh ang" a ti a, X kaltlang in tluang taka an lo kir leh a lawmpui thu PM hian a tarlang bawk.