Uttarakhan court-in, Keite hal hlumtu mi panga lungin tang turin ti

Uttarakhand court, Chief Judicial Magistrate Lakshman Singh chuan, kum 2022 May 24-a keite man hal hlum thubuaiah mi panga chu thiamloh a chantir. Heng thiamloh chantir zingah hian Pauri thingtlang khaw hruaitu hlui pakhat a tel ve bawk. Court-in thiam loh a chantirte hi kum khat chhung lungin tang tur leh Rs 3,500 ṭheuh chawitura tih niin pawisa chawitur neilo tan lungin tan hun chhung chu ni 15 pawhsei sak an ni dawn bawk a ni.

Report-in a tarlan danin Pabau block-a awm Saplodi khuaah hian keite hal hlum a nih kum hian keitein mihring a bei ṭhin nia sawi a ni a, hengte vang hian forest lama thawktute chuan manna tur thang kamin an man zui a ni. He keite man hi thingtlang khaw mipui ten hmuin Forest officer-in tilo tura a tih hnuah pawh an mahni thuin keite man chu an hal hlum lui niin forest officer hian a sawi.

Heng pawikhawihtu te lakah hian Wildlife Protection Act bawhchhiatna leh vantlang hna thawktu, hna thawk theiloa siam vanga thubuai ziah luh niin man zui an ni a, an ni bakah hian midang 150 lakah thubuai ziah luh a ni bawk a ni.