CBI-in Sport City project chhui chiannaah thubuai 3 ziaklut

Central Bureau of Investigation chuan Allahabad High Court thurawn angin Sport City project thawhnaah Noida Authority official leh a thawktu hrang hrangte chhui chiangin, hemi kaihhnawihah hian thubuai pathum a ziak lut.

Sport City project, kum 2011-2014 inkara thawhnaah hian state sum Rs vbc 9,000 dawn tih rilral nia sawi a ni. Thubuai ziah luhah hian Logix Infra Developers Private Limited, Lotus Green Constructions Private Limited, Xanadu Estates Private Limited te tarlan niin,heng agency-te director pathum ṭheuh leh hming tarlan lohte bakah Noida Authority official-te lakah thubuai hi ziah luh a ni.

First Information Report-a a lan danin Sport City project hna thawk tur hian tender chhang huai ber hnenah pek a nih thu leh a chhangtute hi Logix Infra Developer kaihhruaina hnuaia company thawk ho niin, May 2011-a Noida sector 150-a Sport City siamna tur atana tih a nih thu tarlan a ni bawk.