Delhi thuneitu sangte kartin in hmukhawm dawn

Delhi-a sorkar thar a din hnuah, tualchhung hmasawna tur atana thawh hona ṭha a awm theihna turin leh department hrang hrangte thawh hona mumal tak a awm theih nan Delhi-a thuneitu sangte chu kartin Thawhlehni apianga in hmuh khawm ṭhin rawt a ni.

Union home mimister Amit Shah hoa high-level meeting-ah sawi ho niin, sorkar leh Delhi police-te thawhhona ṭha neih theihna atana duan a ni bawk. Shah chuan police-te chu Bangladesh mi leh Rohingya, dan loa lut awm ṭhin te chungah na taka hma la ṭhin turin a hriattir nghal bawk.

Meeting-ah hian Coordination committee, chief secretary kaihruaina hnuaiah din thar niin, he committee-ah hian Delhi sorkar home department bakah official hrang hrang Commissioner of Police, vice-chairman of the Delhi Development Authority, Commissioner of Municipal Corporation of Delhi, leh education secretary, public works, transport, leh law & justice aṭang te in aiawh an tel a ni.