TMC-in assembly session kal lo MLA-te thunun dawn

West Bengal-a rorel lai, Trinamool Congress(TMC) chuan Assembly session-ah party hrang hrang aiawh MLA te an kal lo ngun a nih chuan an lakah khuahkhirhna dan tih chhuah a nih tur thu a sawi.

Party legislative disciplinary committee chuan dan siamtute chu House-ah an kal loh chhante sawi tura tih niin, tunkar lo awm leh tur chhunga in lan ngei turin a hriattir nghal bawk. Thawhṭanni khan state parliamentary affairs minister Sobhandeb Chattopadhyay chuan House rorel inkhawm kaihruaiin assembly attendance chhinchhiahte chu thlir letna neih a ni.

MLA-te hian assembly-ah an kal ngei a ni tih chhinchhiahna, register pathumah hming ziah ṭhin niin heta pahnihah hian minister ten hming ziakin pakhatah hian MLA ten an hming an ziak ve thung a ni. He hmingziahna aṭang hian MLA ten assembly an kal ṭha em tih chhinchhiah niin, chhan nei loa kal lote chu awlsam taka hrait theih a ni ṭhin.

West Bengal assembly budget session neih mekah, TMC chuan March 19 leh 20 khan MLA-te chu session-a kal ngei turin thuchhuah a lo siam tawh a ni. Heti chung hian chief minister Mamata Banerjee in March 19-a house a kaihhruai ṭum khan MLA ṭhahnem tak an kal lo a, a tuk March 20-ah pawh TMC member 90 chauhin session hi an kal a, hei vang hian session kal ṭha lote lakah na taka hma lak hi an tum ta a ni.