Favang thlai thar ton 37.39 puihna senso pawm a ni

Sorkar laipuiin ramchhunga thlasik lai leh favang laia seng chi thlai - dal, leh gram tone 37.39 leh anṭam ton nuai 28.28 chu kum 2025 chhunga sawngbawlna tur senso a pawm thu agricultur minister Shivraj Singh Chouhan chuan nimin, Ningani khan a sawi.

Hemi kawnga hma lakna tur hian sorkar chuan central nodal agency, Nafed leh NCCF te hnuaiah Price Support Scheme (PSS) chu kalpui an tum thu a sawi. Rajasthan, Madhya Pradesh leh Gujarat te chu heng ang thlai thar tamna niin an thawk ho dawn a ni.

Heng hmalaknate awmze nei zawka kalpui a nih theih nan chuan state sorkarte chu minimum support price(MSP) hnuaia awm a ni lo tih ti chiang turin Minister chuan a hriattir nghal bawk.

Minister hian sawi zawmin, nipui laia thlai thar ton nuai 2.46 leina tur chu loneitu mi nuai 1.7 laiin a hlawkna an tel thei dawn niin a sawi. Heng thlai Tur Urad, leh dal te hi state pakuaah leisak ṭhin niin, heng zingah hian Andhra Pradesh, Gujarat leh Maharashtra-te pawh an tel a ni.