Arvind Kejriwal lakah FIR theh lut

Delhi police-te chuan Aam Aadmi Party(AAP) national convenor leh Delhi chief minister hlui, Arvind Kejriwal lakah nimin Zirtawpni khan FIR ziah luh a nih thu city court an hriattir.

Kejriwal hi Dwarka-a Public Property Act bawhchhiaah puh a ni. Kejriwal leh midangte chu kum 2019 khan Delhi khawpuiah sorkar sum hmanga hoarding lian tak tak tarah puh an ni. Hemi chungchangahhian Additional chief judicial magistrate Neha Mittal lakah complaint theh luh a ni a, March 11 khan judge chuan police hnenah FIR ziak lut tur hian a hriattir ni.

Court chuan Kejriwal lakah FIR theh luh hi April 18-a ngaihtuah turin a ti a ni. Kejriwal bakah hian MLA hlui Gulab Singh leh Dwarka councilor Nitika Sharma te lakah FIR hi theh luh a ni bawk.

Kejriwal hi Delhi excise policy kaihhnawiha money laundering case a neih mekah interim bail in chhuah mek a ni. Money laundering leh eiruk thubuaiah ED leh CBI chuan nikum Mach 21 leh June 26 khan an lo man tawh a ni. Delhi excise policy 2021 hi tih tawp ni tawh mah se, he policy kalpui a nih danah thil dik tawk lo awm kaihnawihah hian mi eng emaw zat chu thubuai siamsak an ni tawh a ni.