Amit Shah-in Bihar-ah project Rs vbc 800 hu hawng

Union home minister Amit Shah chuan nimin Pathianni khan Bihar-ah International Cooperative Day pualin scheme thar leh project lungphum Rs vbc 800 man hu a hawng.

Amit Shah-a'n scheme a tlangzarh hi cooperative department-ah Rs vbc 111 hu leh urban development and housing department tan Rs vbc 421 hu a ni.

Project thawhna tur lungphum a phum hi police building 133 sakna tur Rs vbc 181 hu leh road transport and highway project thawhna tur Rs vbc 109 hu te an ni. Heng bakah hian Shah chuan Darbhanga district-a Fishermen's Cooperative Society hman tur 'makhana prcessing unit' a hawng nghal bawk.

Minister hianm Bihar State Cooperative Bank hnuaia state level-conference hmang primary agriculture cooperatives leh cooperative societies dang aiawhte hman ṭangkai tur micro ATM a pe nghal bawk. Bihar chief minister Nitish Kumar, deputy CM Samrat Choudhary leh Vijay Kumar Sinha bakah union leh state minister hrang hrang bakah senior official te'n hun an hmanpui a ni.

Home minister hian nimin Pathiannia Bihar a thlen hnu hian Gopalgans district-a van tlang kawng zawhnaah thu a sawi bakah, NDA hruaitu CM chenna in a meeting neih tur pawh a kaihruai bawk ang.