Army tlang lawn team-in Kanchenjunga teh ṭha dawn

National Institute of Mountaineering and Adcenture Sports(NIMAS) hnuaia tlang lawn team chu India ram chhunga tlang sang ber, metre 8,000 a sang nia chhal Kanchenjunga san zawngan teh ṭha dawn a, kumin May ral hma ngeiin teh fel hman tum a ni. Kanchenjunga hi khawvel huap pawhin tlang sang pathumna a tling a ni.

Minister of State for Defence Sanjay Seth chuan NIMAS Mount Kanchenunga Expedition 2025 chu Zirtawpni liam ta khan a vai liam a ni. He hmalakna hi April 7 aṭangin mission thawh ṭan a ni dawn a, heng hmalakna hrang hrang kalpui hi May thla chhung ngeia zawhfel tum niin tlang chip thlen hman beisei a ni.

Expedition hi tlang lawn satliah ringawt ni loin, mountaineering team ten mission an kal pui mek,"Har Shikhar Tiranga" tih hlawhtlinna pakhat a ni. He mission kaltlang hian ramchhunga tlang sang hrang hrangah India flag tar ṭhin a ni a, tun dinhmunah hian state 28 chhunga tlang sang tak tak ah te hnam puanzar hi an tar tawh.

Mountaineering team-ah hian member pariat awmin an zinga panga hi climber an nih bakah, a dang pathumte hi in relbawlna endiktu leh tlanglawn te lo pui tura tih an ni.

Team member-te hian an hmachhawp tih hlawhtlin ngei tur hian uluk takin training an neih hnuah hma an la dawn a ni. Team hian kum 2023 khan India ram chhunga tlang 27 lai chu an lo teh tawh bawk a ni.