EAM leh Netherland Foreign minister in kawm

Extrenal affairs minister(EAM) S Jaishankar leh ni hnih chama rawn zin, Netherlands foreign minister Caspar Veldkamp chu Thawhṭanni khan New Delhi-ah an inkawm. An inkawmnaah hian ram pahnihte inkar tih hmasawnna tur kawng hrang hrang an sawi dun a ni. Jaishankar chuan Caspar a lo lawm thu leh ram pahnihte thawh dunna hrang hrang a tarlang.

Ram pahnih foreign minister-te inkawmnaah hian thawh dunna an lo neih tawhte bakah, thawh dunna tur leh hmalak ṭulna hrang hrang an sawi dun. Thawh dunna tur an sawi zingah hian sumdawnna, investment, innovation leh tui chungchang bakah agriculture, health, leh venhimna huang te a tel. Heng bakah hian hmalakna thar atan semiconductor,green hydrogen, zirna lam huangte an sawi tel bawk.

India leh Netherlands hian kum 1947 aṭang khan thawh dunna ṭha tak an lo nei tih The Hague-a Indian Embassy chuan a tarlang. Ram pahnih thawh dunna hi kum 2022 khan kum 75 a tling tawh a, thawh dunna turin high-level contract mumal tak an lo nei sa bawk a ni. Kum 2024, July 2-a Netherlands prime minister Dick Schoof kaihhruai sorkar thar a din pawh khan prime minister Narendra Modi pawhin lawmpuina pawh a lo hlan tawh a ni.