Halmawi siamna kangah mi 13 an thi

Gujarat-a Deesa-ah nimin, Thawhlehni khan halmawi siamna hmunah kangmei chhuakin mi 13 an thi. Chhiatna thlenna hmunah hian hnathawktu eng emaw zat awmin, an dinhmun kimchang hi hriat a la nih loh thu chhanchhuah hna thawktute chuan an tarlang. Thi zat hi an la pun chhoh a rinawm thu an tarlang.

Chhiat tawhna hmunah hian kangṭhelhtu pawl leh ambulance chu rang takin an thleng nghal a ni.Chhiatna thlen dan tarlanah hian, halmawi siamna hmuna silaizen siamna unit aṭangin kangmei hi in ṭanin, nasa takin a puak zui bawk. Hei hian a bul hnaia warehouse chu ti chimin a chhunga thawktu eng emaw zat a chhilh niin an tarlang.

Thil puak mi a nat em avangin a puahna hmun aṭanga meter 200 a hlaah bungrua kang bang leh chhia eng emaw zat a vawrh darh phak a ni. Mitthi ruang vawrh chhuak telin, he chanchin buaipui lai hian ruang pasarih hmuh chhuah a ni taw. Hliam tuar ṭhahnem tak Deesa damdawi-in lam panpui an nih hnuah enkawl zui an ni.